Vivamos como galegos!

Por un futuro á galega!

Entra na páxina publicitaria

Que así sexa de verdade!

O anuncio en córnico

A compañía de xeados Kelly´s of Cornwall creou un anuncio no que se potenciaba a calidade do produto co uso da lingua córnica e a un tempo multiplicaba a visibibilidade da reivindicación da dotación orzamentaria para esta lingua.

OS APELIDOS GALEGOS NA PUBLICIDADE

Previsiblemente coa intención de se achegar á lingua e cultura galegas, a empresa Gas Natural Fenosa tomou a loable iniciativa de botar man dos apelidos galegos: así aparecen nos medios de comunicación algúns deles (Seoane, Carreira, Rosende, Lavandeira…). E ben din que no apelido está presente a cultura e a orixe de quen o porta. Desde a AGOn saudamos esta iniciativa da empresa (mágoa que no teléfono de atención ó cliente non haxa ninguén que atenda en galego, como si o hai en catalán. ¿Non lles merecerá o galego a mesma consideración?).

Mondariz etiqueta en galego os seus novos refrescos

A empresa pontevedresa amplía a súa nova gama de productos lanzando Mondariz Sport, Mondariz Té Premium e Mondariz Premium Cola e incorpora o idioma do país ao etiquetado.

Ver información en Galicia Confidencial 

 

 

Yo por el gallego me corto la polla

Realizado polo grupo humorístico Os da Ría

 

Un novo vídeo viral del grupo humorístico de Os da Ría pide en castelán que se defenda o galego. "Somos un grupo de galegos independentes, xente de ben ou iso pensamos, que vivimos e loitamos durante toda a nosa vida, na medida das nosas posibilidades, por un mundo mellor. Somos un grupo de galegos que amamos Galicia, de todo corazón, pero non por iso cosiderámonos máis ou menos galegos que ninguén...

Isto é o que manifestan. 

Ver outros vídeos da campaña

San Luis: Estamos de volta

O fundador da cadea San Luís reabre tendas pechadas pola multinacional que lla comprou e crea un modelo “100% galego” convencido de que funciona

Estamos de volta. San Luís. O anuncio ocupa todo o escaparate nun local do centro comercial das Roseiras na Coruña. Volve, case 40 anos trala súa creación, a cadea galega de tendas de electrodomésticos. E volve da man do seu fundador. Algo nada frecuente e menos tras ser engullida por unha multinacional francesa que tras sete anos, desistiu, liquidou e marchouse. 

Pero "equivoqueime”, engade. A multinacional “non aguantou o tirón”. E López, con ánimo de recuperar “o capital humano” ao que a francesa non soubo sacar partido, embarcouse de novo, con outros dous socios, na aventura de reabrir en setembro ata dez tendas dunha marca comercial que, sorprendentemente, segue sendo unha referencia líder para os consumidores galegos. Unha enquisa recente corrobora que San Luís é a terceira preferida para comprar electrodomésticos ou eléctronica, catro puntos por encima do seu ata agora dona gala. “É incrible para unha marca que leva sete anos desaparecida”, subliña o empresario coruñés.

E outro empeño do empresario: San Luís volverá ser 100% galega. Xa fora pioneira en utilizar o galego en toda a súa publicidade cando aínda non existía nin TVG, nin a autonomía. “E sen recibir un céntimo de subvención”, unha cultura na que o fundador da cadea nunca creu, nin practicou, insiste. Para poñer á última as tendas da cadea, que recorrerá á web e as redes sociais para “unha constante comunicación co cliente”, os seus donos acudiron á Universidade da Coruña, algo que moi poucos empresarios utilizan, lamenta López, para dotarse dun potente sistema informático.

Ti fas Cambre

Páxina para promover a actividade comercial en Cambre
Promovida polo seu concello

Entra na páxina:

A campaña da Xunta 'Cómete o mar' suscita polémica por non coidar a lingua

“Cómete o mar” é o lema da nova campaña publicitaria que presentaron a conselleira do Mar, Rosa Quintana e a directora de Turismo, Nava Castro. As queixas pola desfeita lingüística arrecian e demandan do goberno galego un maior coidado no uso do idioma. 

Máis información en Sermos Galiza

Os Premios de Publicidade en Galego fan vinte anos

GADIS, LARSA E O CONCELLO DE CAMBRE LEVARON OS GALARDÓNS DESTE ANO

 

As campañas Sairemos como galegos de Gadis en radio, As cousas boas de Larsa en televisión e Ti fas Cambre, deste concello en Internet, foron os gañadores dos Premios de Publicidade en Galego, que celebraron neste 2013 a súa vixésima edición. O Museo das Peregrinacións e de Santiago acollía na tarde do pasado luns a entrega destes galardóns, que organizan anualmente os consellos asesores da CRTVG e de RTVE en Galicia. En total foron 127 os traballos presentados a estes galardóns, e os gañadores son da autoría das axencias Reclam, que desenvolveu a campaña de Cambre e mais Bap & Conde, que artellou as de Gadis e Larsa.

A nova web de Movistar ignora outra vez o galego

A Mesa pola Normalización lémbralle a Teléfonica que hai cinco anos prometeu incorporar o idioma propio de Galicia ao seu portal, pero na nova versión só usa catalán e castelán.

 Información vía Galicia Confidencial

Antes de nada, perdón

Novagalicia convírtese no primeiro banco que pide perdón aos seus clientes

Ata hoxe, ser banqueiro e pedir perdón aos clientes eran condicións incompatibles. Era case imposible atopar arrepentimento nas reflexións de altos executivos de entidades financeiras (grandes responsables da crise que estamos a padecer).

 Ver anuncio plubicitario

Pode hoxe unha empregada de Novagalicia Banco pedir que crean nela?

SÓ NOS QUEDAN DÚAS OPCIÓNS: OU LLE DAMOS A VOLTA OU DÁMOSLLE A VOLTA
Outro anuncio

Pero en tempos extraños ocurren cousas inusuais. O presidente de Novagalicia Banco, José María Castellano e o conselleiro delegado, César González Bueno, manifestaron o 12 de xullo publicamente perdón, a través de anuncios publicitarios na prensa, polo que se fixo mal na etapa anterior. Puntualizan que esa declaración non está motivada pola súa xestión ao frente do banco, simplemente se vén na obriga de facerse cargo do que está ocurrindo.

Pedimos perdón polo erro de ter comercializado preferentes entre os nosos clientes particulares sen suficientes coñecementos financeiros. Estamos poñendo o máximo interese en resolver as situacións inxustas que crearon as preferentes. Colaboramos coa xustiza para solucionar os perxuizos derivados da situación anterior. Tamén piden perdón polas mencionadas indemnizacións do exdirectivos e polos investimentos suicidas -as califican pouco prudentes- que se realizaron no pasado. Entre elas, por poñer algún exemplo hai operacións con perdas de sete díxitos na inmobiliaria Astroc, a compra dunha illa, investimentos en bodegas ruinosas ou o apoio a promotores como Paco o Pocero. 

Novagalica Banco paga deste xeito a fallida fusión auspiciada dende a Xunta por Alberto Núñez Feijoo. Os seus históricos directivos (José Luis Méndez e Julio Fernández Gayoso con indemnizacións e prexubilacións multimillonarias) exerceron durante décadas un poder desmesurado e tiveron a habilidade de perpetuarse por enriba de calquera limiticación, incluídas as que impoñían as leis. Durante o boom inmobiliario adicáronse a abrir oficinas por todo o mundo e investir en arriscadas operacións, e agora deixan a herdanza de 12.000 pisos en carteira e un burato de capital que intenta taponar o FROB. Ten recibido 3.627 millóns de euros que non son suficientes. Novagalicia necesita entre 6.000 e 7.000 millóns adicionais do rescate europeo.
Tras recoñecer o anterior os dous directivos piden un voto de confianza: Estamos en pleno proceso de recapitalización, as axudas públicas que están en tramitación poden poñer en práctica unha nova filosofía de relación co cliente. Para nós esta é unha oportunidade única para cambiar o xeito de funcionar dun banco. E para Galicia é a derradeira oportunidade de ter un banco propio.
Será así?

Vivamos como galegos

GADIS fai unha boa campaña publicitaria. Pero... é consecuente no uso do noso idioma nos seus establecementos?

Carta aberta en Prolingua de Ramón Ruíz Dopico : Traizón do GADIS

Decepción e tristura son as palabras que mellor reflexan o meu sentir cando neste último mes puiden contemplar como se exclúa o noso idioma propio da publicidade, cartelería, rótulos… e todo o relacionado coas dúas tendas que Gadis ten a día de hoxe en Viveiro, unha das cales (a situada en Magazos) foi reinaugurada nestas fechas.
Hoxe entrei na tenda por primeira vez logo da reforma e puiden contemplar como o idioma galego foi eliminado por completo. A verdade é que sentín unha gran pena, sentimento totalmente contrario ó orgullo e felicidade que sentín días antes, cando pouco despois das badaladas de fin de ano emitiron o anuncio de “Vivamos como galegos”.
¿Acaso vivir como galegos está reñido co idioma galego? ¿Entenden os señores de marqueting e merchandising do Gadis que o idioma galego non é digno de ser incluído nos folletos e carteis, polo menos, a carón do castelán?¿ Ou é que “precisan” diñeiro público, ou sexa “subvencións”, para que o idioma desta terra teña unha presenza nas súas tendas?
Son comerciante, levo 18 anos cara ó público, e podo dicir que a maioría da xente que entra nas tendas de Viveiro son galego-falantes. Tamén sei que á maioría da xente lle dá igual, que nin sequera se dan conta diso, que pasan do tema. Eu non, non quero resignarme, a min non me dá igual recoñezo que nos tempos que corren para a nosa cultura e o noso idioma, o que eu estou a dicir pode atopar enfronte expresións coma “radical”, “tontería”, “que mais che dá”,ou as preguntas do millón ¿ e logo non entendes o castellano?, ou ¿ti non es “español?”

Entendo e falo castellano coma calquera de Valladolid. Síntome español (polo de agora) coma calquera madrileño, fun militar durante a miña xuventude e cumplín con España coma calquera asturiano, leonés, andaluz ou mallorquín, pero nunca renegarei da miña patria natural, Galicia, do idioma da miña xente, da miña familia, dos meus pais e avós e coido que se ser “español” leva consigo o renunciar a unha parte imprescindible da miña personalidade e da miña maneira de situarme no mundo, pois entón a miña concepción de España, por desgracia vai cambiar irremediablemente.
Recoñezo a Gadisa como unha creadora de riqueza e postos de traballo no noso pais e oxalá xurdiran moitos mais empresarios da talla do falecido Sr Tojeiro (ó cal Galica estalle agradecida) pero teño que discrepar na maneira de actuar desta empresa.
Señores do Gadis, unha cousa é predicar e outra é dar de comer. É mágoa que outras cadenas de fóra de Galicia (por exemplo Eroski) teñan mais respecto que vostedes polo noso idioma.
Oxalá poidan ler esta carta algún dia e que lles faga reflexionar.
Pola miña parte, só me gustaría que se dignaran a perder dez minutos (como perdín eu) e me contestaran a estas preguntas:
¿Por que? ¿Que é o que fixemos mal (se acaso o fixemos) os galegofalantes, para merecer este desprezo?
Sen mais saúdaos, un cliente (polo de agora), e lembren ¡Vivamos como galegos!

Por un depor en galego

Fútbol galego, fútbol en galego, o proxecto de GalegoLab que pretende que o Dépor comece a utilizar o galego, xa conseguiu todos os recursos que precisaba. Toca agora, por tanto, poñerse a traballar.
Este é o folleto da campaña:

Lingua minoritaria

As linguas son creacións fráxiles

Oh sí! Somos libres

Imaxina unha Galiza na que ninguén fale o galego

Contaxio

Por que non o falas? A pervivencia do galego depende de ti

GALEGA 100%

Unha boa campaña con algún erro ortográfico

Dende o vindeiro 7 de febreiro, os produtos lácteos galegos de calidade superior estarán marcados cun selo, Galega 100%, que servirá para recoñecer nos supermercados e tendas da comunidade a súa excelencia e asegurar así que están elaborados con materias primas galegas. Unha boa medida.

A Xunta de Galicia promociona esta nova marca cun lema, Galega 100%. Marca a diferencia, que contén un erro ortográfico que está enchendo varios xornais onde se incorpora o anuncio que aposta por un leite galego. Diferencia é en realidade diferenza, ao igual que pertenza ou querenza.

Aínda así aplaudimos o contido da campaña, para un sector que ten moitísima necesidade de promoción como é o sector lácteo galego.

       

Culturgal 08

VIVAMOS COMO GALEGOS

Todo o mundo fala do anuncio...
Aquí a xente non é fea... é riquiña!
Pásao ben co anuncio de Gadis ...