Na Valdeorras rural, do mesmo xeito que no resto de Galicia, e moitos
outros lugares do mundo, o calendario occidental, rexíase polos ciclos
da natureza. Deste modo, o viño, coma outros cultivos, tiña o seu propio
ciclo segundo as estacións do ano. Velaquí neste vídeo, o ciclo do viño
correspondente ó tempo da vendima, no outono.
As celebracións asociadas á vendima remóntanse ós tempos en que o viño era a ponte entre deuses e homes. Por iso, en Valdeorras a cultura de tradición oral está aínda moi viva e é por iso que os vendimadores de máis idade, mentres vendiman, alivian a fatiga con cantos populares de tradición oral.
