o noso cinema en Donostia

Tres filmes galegos no Festival de Donostia
De profundis e Unha muller invisible, de Continental, e Bolboreta, mariposa, papallona representan o cinema do país no festival de Cinema de Donostia, que este ano cumpre a súa 55º edición
e agora desfruta coas imaxes do filme de Miguel Anxo Prado. Este é o trailer definitivo da película de animación: unha historia de amor nas costas galegas cheas de poesía.

benvidas as galescolas

Picariños, Cativos, Pequerrechos, Meniños, Rapaciños, Pillabáns, Brincos, Enredos, Ruliña…Todas eles nomes no noso idioma para lle chamar á escolas infantís. Porén, en moitos deles (agás excepcións), o cultivo do galego na relación coas crianzas era (e aínda o é) inexistente. Parece que buscan un nome en galego para transmitir confianza, mimos, coidados... pero axiña desaparece cando entras no recinto escolar.

Agora xa podemos comezar a nosa vida escolar (de 0 a 3 anos) nunha escola infantil pública normalizada, Benvidas as galescolas! Un proxecto necesario e positivo. Hai un total de 37 galescolas na provincia da Coruña, 21 no caso de Lugo, 26 en Ourense e 37 na provincia de Pontevedra. En total suman 121 centros .

para non esquecer o verán

Aquí está Sacha na Horta co seu ema Biocultivos. Son un grupo de mulleres de compostela que conseguiron o primeiro premio no concurso da canción do verán A polo ghit! que organiza por segundo ano Vieiros.



LETRA:

Umha porta a outro mundo, / sempre aberta para entrar / Umha viagem polas hortas / sem mover-te do lugar. / Busca forças no caminho / nom te deixes apagar. / Arma-te con vinho e canha / e começa a cantar... / Vivo na terra do sol / aínda que chova aquí vai calor / Vive na terra do Sol / nom é Marbella nin Benidorm! / Venha lume de lareira / e fogueiras no San Joam. / Nom é lume de caciques / nin de montes para queimar! / É a luz que che abre os olhos / e que anima a espertar. / É o calor que che dá folgos / para os teus sonhos cultivar. / Vivo na terra do Soll / aínda que chova aquí vai calor / Vive na terra do Sol / nom quero um piso en Marinha d’Or! / De Janeiro a Dezembro / coma se fora veram / busca o sol por entre a pedra / da Galiza tropical. / Prende lume nas conciências, / temos moito que queimar. / Inventos capitalistas / Que nos querem anular. / Vivo na terra do Sol / Aínda que chova aquí vai calor / Vive na terra do Sol / venhas de Xinzo ou de Nargó!

outra vez por aquí

Moitos rapaces e rapazas comezan neste mes o curso escolar. Cada un exprésao á súa maneira. Hai moitos idiomas no mundo e cada un deles ten o seu lugar. No teu lugar, aquí, o galego. Se non o falas algún día desapareceremos deste cartaz.