20 anos de normalización e dinamización

A CGENDL celebrou o acto de conmemoración: 1991-2011: vinte anos dos Equipos de Normalización e Dinamización Lingüística, que tivo lugar o sábado 4 de xuño ás 11:30 da mañá no Museo do Pobo Galego en Santiago. Esta xornada tivo como finalidade darlle visibilidade pública ao traballo feito polos ENDL ao longo de todos estes anos e agradecer o labor dos docentes, o alumnado e os colaboradores que os conformaron e conforman. Así mesmo, neste acto quíxose expresar a nosa gratitude e recoñecemento público a Agustín Fernández Paz polo seu papel, precursor e activo, no ámbito da normalización lingüística no ensino.