O cazador de palabras

Trasmitirlle ao espectador a emoción das palabras, o seu lado entretido e curioso e os aspectos máis divertidos da lingua, ese é o obxetivo de Cazador de palabras, o docushow divulgativo que a TVG emitirá semanalmente cada xoves. Este novo programa de entretemento lingüístico, presentado por Matías Tarrío, é un espazo familiar que intenta demostrar que a lingua pode ser empregada en todas as circunstancias e para falar de calquera cousa, seria ou divertida, social ou familiar, científica ou popular.

Cine na casa

Para estar ao tanto de todo o que pasa no mundo do audiovisual galego, rexístrate en Flocos. Poderás ser fan dos filmes que che gustan, engadir amigos e amigas e seguirlles o rastro ao que fan os directores/as e á xente da túa rede.

Despois do primeiro mes de funcionamento da xanela do audiovisual galego, Flocos consolídase día a día. Moi perto dos 700 usuarios rexistrados, o número de visitas increméntase sen cesar para visionar os máis de 100 títulos de todos os estilos, tendencias e modelos de produción do audiovisual galego contemporáneo. Pola banda das obras audiovisuais, pódense ver case un cento de filmes: 32 curtas de ficción, 14 curtas de animación, 12 curtas documentais e 13 curtas experimentais. Ademais, organizáronse 5 ciclos temáticos e 4 adiantos de películas.